Kreu i Partisë Demokratike, Sali Berisha, do të udhëtojë në Shtetet e Bashkuara të Amerikës më 6 shtator, ku pritet të zhvillojë një takim me shqiptarët që jetojnë atje.
Por vizita e tij pritet të shoqërohet edhe me një protestë. Një grup emigrantësh shqiptarë, mbështetës të protestës, kanë njoftuar se do të zhvillojnë një tubim në të njëjtën datë.
Në një postim në Instagram, organizatorët kanë bërë të ditur edhe mesazhin që do të shoqërojë protestën, duke shkruar: “Berisha non-grata, Berisha në burg”.
Tubimi pritet të zhvillohet në kuadër të kundërshtimit ndaj Berishës dhe qëndrimeve të tij politike.
