Ish kryeministri Sali Berisha në një mbledhje me anëtarët e Këshillit Kombëtar të PD ka pranuar për herë të parë hapur se situata brenda partisë nuk është e mirë dhe duhet ndryshuar me urgjencë për të dalë në përballje me qeverinë në zgjedhjet e ardhshme.
“Kam marrë gjatë gjithë kohës informacione dhe ju garantoj që është urgjente ndryshimi i situatës”, theksoi Berisha.
Ai i kërkoi anëtarëve të Këshillit Kombëtar që të zhvillojnë takime me çdo grup seksioni dhe të shfrytezojnë potencialet e mëdha tek elektorati.
Sali Berisha: Ai moment është votimi, mobilizimi, prova e përgjithshme ajo betejë zhvillohet në nivel seksioni
Ku jemi ne në raport me këtë? Larg jemi, unë duhet të jem realist me ju.
Kam marrë gjatë gjithië kohës informacione dhe juu garantoj që është urgjente ndryshimi i situatës.
Askush mos mendojë se mund të fitohet vetëm me “makro aktivitete”. Jo nuk fitohet, ato janë të domosdoshme, por pa kombnimin e aktiviteteve të tjera në nivel seksioni, hyrje, blloku, në çdo skaj ne në këto kushte fitore nuk shohim, ne vetëm rrimë duke shprehur habira për veprimet e një njeriu, njeriu që vjedh çdo ditë qytetarët.
Në çdo ditë që kalon jemi të vonuar në përballjen tonë me të. Ju jam i sigurt që merrni çdo ditë pyetje dhe unë marr që thonë: “Çfarë po bëni, shtator ku jeni, ne po presim”.
Revolta, urrejtja për këtë qeveri në shpirtin e qytetarëve e unë takoj të gjitha llojet, po vlon, po zien, po ne duhet të shtrojmë pyetjen kui jemi ne? Çfarë aktivitetesh kemi bërë ne gjatë kësaj periudhe?
Askush mos mendojë që nuk dëmtohemi kur mediat thonë Berisha bën takime po nuk ndjehen. E vërteta eshte se bashkëpunëtorët e mi të afërt po bëjnë takime por nuk janë të përcjella në nivel seksioni e grup seksion sipas një plani, ne kemi nevojë emergjente.
T’u bëj një pyetje: Ju i keni ndjekur foltoret dhe takimet. Elementi më spikatës, më i rëndësishëm i tyre janë fjalët e atyre qytetarëve dhe demokratëve, jo fjalët e mia se të miat janë një mori çështjesh që i kaloj nga audienca në audiencë. A i shihni ju sa bukur flasin ata?
Potencialet i keni të jashtëzakonshme, shumë të mëdha, por ama duhet t’i shfrytëzoni”.