Grupi i themelimit në PD ka sulmuar ambasadoren Yuri Kim pasi kjo e fundit dënoi gjestin e ish kryeministrit Sali Berisha ndaj kreut të PD në detyrë, Enkeleid Alibeaj.
Reagimi ka ardhur nëpërmjet deputetit Edi Paloka.
‘Është fatkeqësi kur njeriu nuk e kupton më, se vjen një moment që thjeshtë bëhesh qesharak me deklaratat e qëndrimet që mban…!’, shkruan Edi Paloka.
Ambasadorja amerikane Yuri Kim u shpreh më herët se: ‘Ditët e sulmit ndaj ndërtesave, rrahjes ose largimit të të tjerëve nga podiumet, kërcënimit të atyre që thonë me të drejtë “jo!”, akuzimit të të tjerëve për veprat e këqija që ka bërë, shtrembërimit të shtetit të së drejtës, llogaritjes së mosndëshkimit – ato ditë i përkasin një të shkuare që duhet. Të mos përsëritet!’, shkruante Yuri Kim në Twitter.