Ish kryeministri Sali Berisha i ka dhënë përgjigje Enkelejd Alibeajt se ai nuk do të heqë dorë nga primaret, për të zgjedhur kandidatët që do të dalin për zgjedhjet vendore të 2023.
Teksa akuzoi kryeministrin Edi Rama se tani betejën e ka me “PD e rithemeluar”.
“Të japim ne shembullin tonë në radhë të parë duke u dhënë juve të drejtën e vendimmarrjes. Ftoj sot, në mënyrë të veçantë zonjat, zonjushat, të rinjtë e përfaqësues nga diaspora të bashkohen në këtë garë që të zgjedhim për herë të parë përfaqësuesit e vërtetë të qytetarëve dhe jo të kryetarëve.
E di se ka pasur zemërthyer e kritika me primaret por nuk jam tërhequr e nuk tërhiqem se ato u japin ju pushtetin që meritoni, ato kufizojnë pushtetin tim, ju ftoj të kontribuoni me gjithë mundësitë tuaja.
PD e vërtetë nuk ka demokratë që duhet ta refuzojë, por kur 8 muaj më parë apo 1 vit më parë kaloja nga foltore në foltore duke folur për peng Bashën në atë kohë kishte që e besonin, por dhe të tjerë skeptik, sot pas të gjithë të dhënave është e qartë se të gjitha ato janë totalisht përpjekje të Ramës e nuk kanë asgjë të përbashkët me PD. Unë kam qenë, jam e do jem i hapur që çdo deputet i kësaj partie, të kandidojë në primare, të propozojë cilindo për primare por nuk jam kurrë i hapur të heq dorë nga primaret as të zëvendësoj primaret me sondazhet.
Edi Rama betejën e ka me 11 dhjetorin, me PD e rithemeluar se atë tjetrën siç provoi koha, e kishte në xhep”, tha Berisha.