Sali Berisha i konsideron zgjedhjet vendore të 14 Majit si pranverën e fitores.
Teksa falenderon qytetarët për mbështetje, ish-kryeministri shkruan se shqiptarët e kanë kuptuar se kush është kryeministri Edi Rama, duke e quajtur atë si një turp për botën dhe vendin.
“Kjo pranverë- Pranvera e Fitores!
Ka një entuziazëm dhe optimizëm të madh për fitoren e opozitës më 14 maj.
Kudo që shkoj, unë kam bërë takimet më entuziaste, siç i keni konstatuar vetë, në Korçë, Pogradec, Belsh, në Mirditë, në të gjitha zonat kam paraqitur kandidatë me një shkallë të lartë pëlqyeshmërie. Sot jam në Vlorë, dje isha në Lushnje.
Pra, pranvera do të jetë pranvera e fitores. Ndonëse këto janë zgjedhje lokale, kjo do jetë pranverë e fitores mbi monizmin.
Shpreh falënderimin për qytetarët për revoltën që shprehin ndaj makinacioneve të Edi Ramës me dy pengjet e tij.
Qytetarët shqiptarë po kuptojnë çdo ditë se cili është morali, cili është karakteri i atij që është sot kryeministër, që është shndërruar në turpin e Shqipërisë dhe botës”, shkruan Berisha.