Drejtuesi i degës së PD në Fier, Agron Kapllanaj ka deklaruar në mbledhjen e Këshillit të Kryetarëve se Sali Berisha ia arriti qëllimit të tij, duke pretenduar se ai ka blerë votat.
Kapllanaj është shprehur se duhet të merren masa për shit-blerjen e votës, duke ndaluar këtë fenomen.
“Sali Berisha në këto zgjedhje ia arriti qëllimit, e kishte jeta a vdekje, lekët nuk i mbaronin, me sa duket “duart e pastra” paskan bërë punën e vet. Duhet të marrim masa për të ndalur shitblerjen e votës, kemi komisionin për reformën zgjedhore dhe atë territoriale, të bëjmë ndryshime për të ndalur këto fenomene. Nëse nuk e ndalojmë nuk do të këtë ndryshim, sepse nuk po i mbarojnë lekët Berishës, imagjino Edi Ramës”, është shprehur Kapllanaj.