Në konferencën e përjavshme me gazetarët, kryetari i PD-së Sali Berisha ka komentuar seancën parlamentare të ditës së djeshme, duke kritikuar kryetaren e Kuvendit Lindita Nikolla së bashku me gratë ministre e deputete që nuk kërkuan nxjerrjen jashtë të kryeministrit Edi Rama. Sipas tij, po fliste si halabak ndaj duhet të kishin kërkuar ndërprerjen e seancës. Berisha përgëzon deputeten demokrate Grida Duma, duke thënë se i dha përgjigjen e merituar.
“Rezolutën, Edi Rama për të mbuluar refuzimin nga ana e tij të pranimit të rezolutës për dënimin e gjenocidit serb në Kosovë dhe e bëri për të mos lidhur atë që kanë lidhur vetë serbët, raportin e Dick Marty-t me Beogradin. Vasali i Vuçiç nuk guxon të ngrejë çështje sic duhet, aty ku preket Serbia. Pëgëzoj Grida Dumën për përgjigjen e merituar që i dha.
Shpreh mosaprovimin tim për qëndrimin e kryetares së parlamentit dhe atyre zonja kur dëgjuan kreun e tyre të flasë si halabak, nuk kërkuan ndëprerje seance dhe nxjerrjen e tij jashtë. Ishte seancë për të mbuluar implikimin e Ramës në arrestimin e udhëheqjes politike të Kosovës”, tha Berisha.