Kryetari i Partisë Demokratike, Sali Berisha ka mbledhur në selinë blu, Kryesinë e partisë. Në fjalën që mbajti, Berisha renditi vjedhjet që sipas tij po i bën qeveria. Ai tha se Rama po përgatit katastrofën energjetike në vend duke shkelur ligjet e vendit që nuk lejojnë zbrazjen e digave.
“Vjedhje të tmerrshme po ndodhin me energjinë, Shqiptarët duhet tani se Rama po përgatit katastrofën energjetike në vend duke shkelur ligjet e vendit që nuk lejojnë zbrazjen e digave. Sot janë ndër 270m. Kjo për dy arsye do të sjellin errësirën për të justifikuar aferën e kontraktimit të dy gjeneratorëve gjigantë nga Bangladeshi që shpenzojnë 520 mijë euro naftë. Me 760 mln euro mund të kishte ndërtuar 3 termocentrale. marrëveshja me TAP u njeh Shqipërisë të drejtën e 700 mln metër kub për gaz”.
Nga ana tjetër, Berisha ka komentuar edhe shkarkimin e Gledis Nanos nga drejtimi i Policisë së Shtetit, dhe tha se ishte për shkak të naivitetit.
“Vetëm zhvillimet e djeshme janë në dëshmi se në strofullin e tyre nuk kanë paqe. Shkarkohet pa asnjë motiv evident drejtori i përgjithshëm i policisë. Nuk themi që po zbardhte një zyrtar të mirëfilltë, por e vërteta është se ai pati fatin të bjerë në korrent. Iku Nano sepse dy 2.2 ton drogë në Itali nuk shkuan nga skafet, por shkuan nga velat e klubit të Çuçit. Nano s’po bënte luftë efikase, por për naivitetin dhe jo sinqeritetin se ai i sinqertë s’ishte, po ishte naiv dhe si mbuloi dot”.