Së bashku me aleatët e ADSHM, Sali Berisha shoqërohej nga kandidatët për deputetë dhe strukturat në mbylljen e fushatës që po mban në Korçë. Një nga detajet e këtij mitingu ishte prania sërish e personazhit viral të rrjeteve sociale të PD-së, Ilir Vrenozi, i cili u urua nga moderatorja e tubimit për datëlindjen e tij.
Në këto momente ishte Vrenozi që i shkoi Berishës sikur ta kishte ky i fundit ditëlindjen, duke i puthur dorën kreut të PD-së. Nga ana e tij, Berisha ndërsa akuzoi Ramën se përpiqet të blejë demokratët, duke iu referuar Ilir Vrenozit, për të cilin tha se ka karakter, duke i uruar datëlindjen publikisht.
”Erdhi në Korçë si pazarexhi bashkë me Nikon e tij e mendonte se do të mund ta blinte secilin prej jush. Tentoi të blinte me fushatën e tij një njeri me integritet si Ilir Vrenozi, që unë i uroj edhe 100 vite të tjera”, tha Berisha duke ngritur lart figurën e mbështetësit personal të tij që e ka kthyer edhe në faktor politik si figurë qendrore e fushatës së PD në këtë qark.