Sali Berisha po zhvillon një takim virtual me shqiptarët në Londër, ku akuzoi qeverinë shqiptare se po vjedh rreth 90 % të buxhetit të shtetit.
Ish-kryeministri u shpreh se Rama bën jetën e një sheiku me fluturime charter që shkojnë deri në 22 milionë euro, ndërsa u ndal dhe te skandali “McGonigal” për të cilin tha se kreu i qeverisë e “kontraktoi për të vrarë opozitën”.
“Një javë më herët u ekzekutua një zonjë që punonte në banak. Kjo pasi në përplasjen mes dy bandave, njëri vrasës i kishte shpëtuar drejtësisë dhe endej i lirë. Ligji nuk u jep mbrojtje qytetarëve. Liritë dhe të drejtat e qytetarëve janë më të nëpërkëmbura se kurrë. Çfarë ndodh me pasuritë e tyre, sot buxheti i shqiptarëve në masën 80-90 % vidhet nga kjo qeveri. Do thoni ju si ndodh? Thjesht çdo punë publike që kryhet në Shqipëri bëhet me një çmim 6-10 herë më të shtrenjtë sesa duhet të ishte në përputhje me manualet e punëve publike.”
“Bën jetën e një sheiku me 137 fluturime me charter dhe dhomë gjumi luksoze shpenzoi mbi 22 mln euro sillet si një despot i vërtetë që nuk njeh ligj dhe asnjë norme. Edi Rama ju e dini është i biri i një xhelati të diktaturës komuniste. Edi Rama sot mban të njëjtin qëndrim ndaj pluralizmit politik, opozita shqiptare ka kaluar në këto dy vitet e fundit një histori të pashembullt ju keni lexuar se qeveria kanë bërë grushte shteti por nuk kisha dëgjuar kurrë që të bëhen grushte për të përmbysur një opozitë që ishte opozita më pro perëndimore e Shqipërisë dhe rajonit, ishte opozita që përmbysi sistemin komunist, kundër kësaj opozite Edi Rama kontraktoi si vrasës me pagesë një tradhtar të kombi amerikan që i paguar nga Edi Rama mori misionin e shëmtuar për rrënimin e opozitës shqiptare”, tha Berisha.