Në një bashkëbisedim online me disa shqiptarë që jetojnë në Itali, kryetari i PD-së, Sali Berisha foli për rolin e rëndësishëm që ka Italia sipas tij në rrugën e Shqipërisë drejt demokracisë.
Ai vlerësoi edhe kontributin në luftën kundër krimit të organizuar. Për Berishën, nëse nuk do të ishte antimafia italiane, Saimir Tahiri nuk do të ishte sot në burg, por me post të lartë në qeverinë Rama.
“Sot janë dhjetëra mijëra shqiptarë që janë në Shqipëri dhe investojnë pasi kanë krijuar disa kapitale dhe kanë marrë njohuritë për bizneset. Italia dhe Shqipëria kanë një lidhje miqësore shumë të ngushtë, por siç thotë Adam Smith, që pasuria përhapet, e vërteta është se nëse është përhapur diçka me më shpejtësi në Shqipëri është biznesi, kultura italiane në të gjitha fushat. Italia jep një kontribut të madh në luftën kundër krimit. Antimafia italiane ka dhënë kontribute në betejën kundër mafies shqiptare. Po të mos ishte antimafia italiane Saimir ‘skafisti’ do të ishte sot mbi zëvendës kryeministër të paktën, ne i jemi mirënjohës sepse ata bënë një betejë të vendosur kundër organizata kriminale”, deklaroi Berisha.