Me rastin e festës së 7 Marsit, Sali Berisha ka zhvilluar një takim me mësuesit.
Në fjalën e tij para të pranishmëve, ish-kryeministri fajësoi qeverinë se ka shkatërruar sistemin arsimor në vend. Sipas tij, kategoria më e prekur nga keqqeverisja në këto 9 vitë është ajo e mësuesve.
“Arsimin në Shqipëri, Edi Rama e shndërroi në një sistem të përçmuar, e shndërroi në një sistem në të cilën qeveritarët në kurriz të mësuesve, nxënësve shohin si të pasurohen vetë.
Do mbetet e pashlyer në memorien e shqiptarëve vendimi i Edi Ramës për të caktuar rektorin e UT me një pengmarrës, sepse donte që tenderat ti fitonte ai pikërisht.
Mësuesit sot dhe punonjësit e administratës janë shndërruar në skllevër, të cilët detyrohen të shprehin pëlqimet për një organizatë kriminale, e faktuar me të gjitha dokumentet që mjerisht quhet qeveri shqiptare.
Ju garantoj se PD në pushtet ndryshimin e Shqipërisë do ta fillojë nga mësuesit. Do ndryshojmë, kushtet jetën , trajtimin, qëndrimin ndaj tyre, do të fillojë ndryshimi ndaj Shqipërisë.
Shqipëria në këtë drejtim ecën drejt një shkretimi, drejt një varfërimi në rritje të faktuar.
Ne do të dyfishojmë rrogat e mësuesve, do të dyfishojmë buxhetin për arsimin. Do bëjmë gjithçka që shkollat të marrin funksionin e tyre.”