Nga Ilir Demalia
SPAK-u tigër prej letre.
Berisha është në arrest shtëpie, që do të thotë se ai nuk ka të drejtë të komunikojë me publikun dhe të mos i hyjë dhe dalë njeri përveç personave që janë “REZIDENT” me Saliun që është Liria.
Njerëzit, ai grup 100 vetësh që i gënjen mendja se po ndryshojnë rrotën e historisë me përsëritjen e dalë boje të njëjtës histori në rrugën e “Shpresës”, janë në të drejtën e tyre. Por sipas ligjit, askush nuk ka të drejtë të shkojë në apartamentin e tij, qoftë RAI apo deputeti gjerman Elmar Bruk, dhe t’i flasë nga dritarja si suprizë atyre poshtë në rrugën. Bruk nuk mund ta bëjë këtë gjë në vendin e tij apo ndonjë vend europian, ku drejtësia dhe ligji veprojnë, funksionojnë dhe janë të pavarur dhe jo siç është varur Bruk, si pensionist në xhepat e Zenit, dhe po ashtu edhe RAI. Kohë krize financiare dhe këtë e ndjejnë më shumë pensionistat si Bruk në Gjermani, ku Argita dhe Zeni kanë investime, dhe fëmijët e Gitës me bluzën “lironi babin” shkollohen dhe jetojnë atje.
Berisha, Meta, Kryemadhi, Mehdiu, Zeni, Veliaj, Beqja, Olta, dreqi e i biri, kjo bandë hajdutësh e kriminelësh qe i kanë plaçkitur Shqipërisë me postet e tyre për 34 vjet me skandalet korruptive, me pronat publike private, me vjedhjet e parasë publike dhe private, me një perllogaritje të thjeshtë kanë përfituar mbi 20 miliardë dollarë. Dhe sot është kohë që t’i përdorin një pjesë për Bruk-izmat pensionistë Europian.
Kjo i bën ata të sigurtë dhe të pandëshkueshëm kur i drejtohen SPAK, si Berisha e quan ORGANIZATË KRIMINALE, Kryemadhi i thotë: As nuk më rruhet për SPAK, Meta i thotë: SPAK-u tarallaku, e të tjera e të tjera këtij m…. i ka dalë era! – do të shkruante Dori i vogël.
Po të isha në vend të Berishës, do të dilja nga shtëpia, do shkoja drejt e në Parlament, më pas në sheshin Skëndërbej me trushpëlarët e rrugës së “Shpresës”, dhe prej aty, në burgun e Fierit për të liruar Belerin dhe kështu kryhet “revolucioni” i Bac Berishës.
E garantoj Berishën ta bëjë, se SPAK veç nuk ka çfarë t’i bëjë, as Berishës as Monikë, as Metës, as Erionit, as Oltës, as Mehdiut e me radhë.