“Në vjeshtë nuk ka para për rrogat e pensionet, qeveria po mbush arkën me gjoba”, shkruan kryetari i PD-së Sali Berisha në rrjete sociale, ku thotë se ka marrë një mesazh nga një emigrant shqiptar që jeton në Itali, dhe që posedon një banesë në Malin e Robit, i cili thotë se ka paguar gjoba që nuk justifikohen. Sipas Berishës, qeveria do të nisi një operacion i madh gjobash për të mbushur buxhetin. “Sezoni turistik nuk është aq i pasur sa të mbushë arkën sipas planifikimeve, ndërkohë që në shtator do duhet të paguhet kësti i borxhit të tmerrshëm që ka marrë gjithë këto vite qeveria”,-shkruan më tej Berisha.
Posimi i plotë nga Sali Berisha
Çmendet qeveria me gjoba. Kërkon të mbushë arkën bosh, nga rënia dramatike e turizmit. Emigrantët, viktimat kryesore të gjobvënies qeveritare. Stop gjobave për të mbushur arkën bosh.
Lexoni denoncimet e qytetarve dixhital. sb
“Mirëmëngjesi doktor, kam qenë me pushime në Shqipëri, kam një shtepi tek Mali i Robit dhe kam bërë pagesat tek njesia administrative Golem. Kam paguar edhe në bashki taksën e bashkisë dhe i kam dorzëuar, dhe i mora tani. Duhet të aplikoi te E Albania nëpërmjet një noteri qe donte nga 4000-5000 lekë të reja, plus 9000 lekë të reja. Sapo arrita në Milano më ka ardhur një l’eterno te paguaj 26260 lekë të reja. Po të dërgoj edhe letrën e kryehajdutit të bashkisë së Kavajës që falin çdo ditë lekë tek inceneratorët, ju lutem anonim se me prishin punë te certefikata e pronsisë me respekte Sh N”.
Ja erdhëm sot tek një ‘bombë’, e cila ka plasur sepse qeveria nuk ka më lekë të paguajë rrogat e pensionet në vjeshtë, ndaj do të nisë një operacion të madh gjobash për të mbushur buxhetin. Sezoni turistik nuk është aq i pasur sa të mbushë arkën sipas planifikimeve, ndërkohë që në shtator do të duhet të paguhet kësti i borxhit të tmerrshëm që ka marrë gjithë këto vite qeveria.
Nuk ka para shtetit Po kush e lejoi këtë abuzim gjigand që sot shpërtheu?