Kreu i Partisë Demokratike, Sali Berisha, përmes një postimi në “Facebook” shkruan se shqiptarët po vaksinohen me doza të skaduara të “Pfizer”.
Teksa publikon denoncimin e një mjeku, Berisha shkruan se, pavarësisht që vaksinat janë të skaduara, procesi i imunizimit të qytetarëve vijon normalisht.
Postimi i plotë
“Të dashur miq, në një akt të papërgjegjshëm dhe me rrezik për jetën e njerëzve, Ministria e Shëndetësisë ka urdhëruar përdorimin e vaksinave anti-Covid të skaduara, duke rrezikuar kështu jo vetëm mbrojtjen e të vaksinuarve nga virusi, por duke sjellë dhe pasoja të tjera të rrezikshme nga substancat e skaduara.
Dënoj me ashpërsinë më të madhe këtë akt të papërgjegjshëm të qeverisë dhe u bëj thirrje qytetarëve të mos pranojnë të vaksinohen me vaksina të skaduara.
Lexoni më poshtë denoncimin e mjekut digjital:
Përshendetje dr. Po ju informoj se jemi urdhëruar të vazhdojmë vaksinimin me lotin e vaksinës ‘Pfizer’ që ka skaduar në korrik dhe, sipas urdhrit, duhet që këtë lot ta përdorim gjer në tetor”.