Ish-kryeministri, Sali Berisha, ka hedhur poshtë lajmet në media se PD ka lobuar kundër Kathleen Ann Kavalec, e nominuara e Presidentit Donald Trup për ambasadore të SHBA në Tiranë e cila nuk e mori miratimin e Senatit për këtë detyrë.
Në studion e Ora News, Berisha tha se është absurde të mendosh që PD mund të anulojë firmën e Donald Trump.
“Ata që e qarkullojnë këtë lajm nuk e kanë pa qëllim, qëllimkeq por qesharak. Duan të mobilizojnë me këtë lajm potenciale kundër opozitës. Në mënyrën më absolute PD nuk ka bërë asnjë lloj përpjekje që të anulohet emërimi i zonjës Kathleen Ann Kavalec, do të ishte donkishotizmi më i madh. Të mendosh që PD anulon firmën e Donald Trump do ishte idiotësi. Trump e ka firmosur zonjës pasi kishte dalë fakti se ishte takuar me agjentin privat britanik. PD ka bërë një lobim që Senatori ti paraqesë zonjës Kathleen Ann Kavalec problematikat e Shqipërisë.”- tha Berisha.