Ndër të tjera, në fjalën e tij në seancën plenare në Kuvend, Sali Berisha tha se mësuesit nuk kanë pësuar rritje page prej 8 vitesh. Sipas Berishës, sistemi arsimor po rrënohet, ndërsa thotë se portali për mësuesit nuk i zgjedh ata për t’i mësuar sipas meritës.
“Koha ka ardhur dhe jam këtu për tu bërë thirrje gjithë mësuesve të Shqipërisë me guxim dhe kurajo të mbrojnë interesat e tyre. Janë të vetmit mësues në rajon që në 8 vite nuk njohën rritje, por krahasuar me inflacionin ulje të ndjeshme të rrogës.
Të nderuar mësues, ju vetë e konstatoni sesi po rrënohet sistemi arsimor, çfarë sage e trishtimi ju krijoj portali Kushi, i mashtrimit, i partisë dhe falsifikimit. Sesi një mësues i ekselencës, për bindjet e tij duhet të presë 7 vite për tu sistemuar, ose nuk sistemohet fare”.