Kryetari i Partisë Demokratike, Sali Berisha në konferencën për shtyp me gazetarët, prezantoi edhe drejtorin e ri të zyrës së shypit në selinë blu, e që është gazetari i njohur Alfred Lela.
Por kjo nuk ka kaluar pa batuta, pasi menjëherë sapo Berisha e prezantoi, Lela kërkoi të thoshte disa fjalë, por nuk kishte mikrofon. Drejtori i ri u zgjat nga Berisha për t’i marrë atij mikrofonin, por kjo mesa duket nuk i ka pëlqyer ish-kryeministrit i cili mes batutave u shpreh: “A rrofsh, se të marrësh që në fillim mikrofonin tim”.
Po ashtu Lela tha se Floriana Garo që deri më sot e mbante atë post, do të jetë zëdhënëse. “Shumë shkurt, pse jam unë këtu, përse i bashkohem Rithemelimit të Partisë Demokratike. Kemi kohë që flasim për hapje, hapje e hapje. Dua të them edhe që do të jtë thelbi i aksionit politik në PD. Do të fokusohemi tek kauzat e të gjitha neneve, dua që të mos e zgjas më shumë sepse ajo që do të komunikojmë se çfarë do të bëjmë, do të flitet edhe në vijim. Do të jem drejtor i Kominikimin e zyrës së shtypit, ndërsa Floriana Garo do të jetë vetëm zëdhënëse. Nuk ka duplikime rolesh, ka vetëm gjëra të përbashkëta mes nesh, në role të caktuara”.