Në protestë nuk mund të mungojë lideri i saj historik, ish kryeministri Sali Berisha i cili shoqëron kryetarin e PD-së Lulzim Basha në ecje, në një rrethim simbolik nën ritmet e muzikës së rrethimit të Krujës, në filmin “Skënderbeu”.
Berisha tha para mikrofonit të gazetarëve se ky është një cunam popullor, dhe se kryeministri Rama është fshehur në tunelet e Skraparit.
“Mirënjohje të pakufishme ndaj atyre që sot firmosin betejën fitimtare nga kakistokracisë. Edi Rama ia ka mbathur sërish ditën e sotme. Edi Rama ka shkuar ne tunelet e Skraparit. Ky është një cunam popullor dhe Rama nuk mund t’i fshihet”, tha Berisha.