Kreu i PD-së, Sali Berisha tha se protesta e së shtunës, dridhi themelet e monizmit, si edhe që i dha një mesazh Europës dhe botës, që populli shqiptar është në këmbë kundër një narko shteti të instaluar në Shqipëri.
“Protesta e 12 nëntorit ishte në zenitin e protestave krahasuar me numrin e popullatës dhe protestave në botë. Ajo dridhi themelet e një monizmi që bazohet në vjedhjen e votës, vjedhjen e fondeve publike, pasurive publike nga Edi Rama, bazohet në frikën, shantazhin, drogën dhe krimin.
Ai ishte mesazhi më i shkëlqyer që qytetarët fisnikë të Tiranës, e mbarë Shqipërisë u dërguan shqiptarëve kudo që janë. Ata u dërguan mesazhin e shpresës, besimit, fitores.
Njëkohësisht protestuesit u dërguan kancelarive të Europës dhe botës që krahas një narko shteti të instaluar në Shqipëri, krahas një monizmi që bazohet në vjedhjen e votës përmes krimit, drogës e mashtrimit, ekziston dhe një popull i tërë i ngritur në këmbë për ta hedhur në Lanë për të përmbysur këtë regjim”.