Ish-kryeministri Sali Berisha ka denoncuar se një 67-vjeçare dhe tre mësues kanë përfunduar në spital pas vaksinimit kundër Covid-19.
Përmes një postimi në rrjetin social ‘Facebook’, ai ka hedhur akuza të rënda ku thotë se një 67-vjeçare me emrin Xhevahire Vladi, ka përfunduar në spital pasi ka bërë vaksinën kundër koronavirusit. Gjithashtu, një tjetër shprehet se në spitalin e Laprakës tre mësues janë në gjendje të rëndë pasi kanë bërë vaksinën.
Postimi i plotë i Berishës:
Ndërlikime të renda nga vaksina! Ato fshihen me urdhër të xhahilit të Surrelit. Lexoni denoncimet e qytetareve dixhital. sb
Përshëndetje Dok.Berisha ! Dje ka ardhur me helikopter nga Lura në Urgjencën e QSU Tiranë një grua rreth 67 vjeç me emër Xhevahire Vladi me Tromboze si rezultat i vaksinës Kineze të marrë para 2 ditësh në Qendrën Shëndetësore Lurë. Të lutem do më ruani anonimatin.
Doktor të uroj shëndet dhe çdo të mirë! Rastësisht isha te Ambulanca e Laprakës Doktor erdhën tre mësues në gjendje shumë të rëndë nga vaksinat e Edvinit ,i futen direkt në oksigjen !!!Me shumë respekt.