Kreu i Partisë Demokratike, Sali Berisha ka publikuar në rrjete sociale një mesazh që ka marrë nga një qytetar, i cili denoncon se dokumenti “Besa” i kryeministrit Edi Rama është bërë nëpërmjet Inteligjencës Artificiale.
Në mesazh, qytetari shpjegon elementët që ka vënë re në dokument, të cilat tregojnë “shenja” të AI. Sipas tij, nga “i pabesi”, siç i referohet kryeministrit, “priten vetëm pabesi dhe mashtrime”.
Postimi i plotë i Berishës:
Gjuhëtari digjital!
“Besa” e të pabesit është fallco, me AI
Lexoni mesazhin e gjuhëtarit digjital!
Mirëmbrëma Doktor analizova me kujdes, dokumentin “Besa” që ka shpërndarë KM dhe del shume qarte që është bërë me AI dhe jo nga njeriu.
Shumë fjali fillojnë me “Por”, “Po” dhe “Dhe” që në semantikën e gjuhës shqipe nuk janë të përdorshme, madje gramatikisht konsiderohen gabime.
Ka shumë elementë përmbajtësor që kanë një gjuhë “zyrtare” AI të tipit chatgpt plus, mbasi programi mendon në anglisht edhe pse ti ja kërkon në shqip, kështu që ka për bazë rregullat drejtshkrimore apo semantikore të anglishtes, që nuk janë si të shqipes. Nga i pabesi pritet veçse pabesi dhe mashtrime!
