Sali Berisha ka folur jashtë ambienteve të Kuvendit për propozimin e Edi Ramës për NATO-n për të ndërtuar një bazë ushtarake të aleancës në portin e ri të Durrësit.
Berisha: Ka qenë, është dhe mbetet fuqimisht një forcë pro-atlantike e vërtetë. Ajo mbetet e vendosur për një bashkëpunim sa më të ngushtë me aleancën dhe garantoj edhe një herë se është e gatshme t’i ofrojnë nesër në pushtet aleancës të gjitha lehtësirat aero-portuale që i duhen në territorin e Shqipërisë. E përshëndes faktin që nuk e përtypi mashtrimin e paskrupullt të Edi Ramës, i cili për të mbuluar mega-aferrën të përvetësimit të 1 mln metër katror të Durrës, kërkon ta mbulojë me angazhimin e NATO-s në Porto Romano. Ky propozim është mega-skandal, kërkon të përdorë reputacion që ka Aleanca për qëllime te veta korrputive. Është guxim i madh të dalësh dhe të shëtisës në një kohë kur ke damkën e një mega korruptori, e një persekutori të fjalës së lirë, në një kohë kur bën gjithçka për të larë paratë e krimit dhe për të bërë vendin tënd simbol të drogës dhe të krimit.