Pas më shumë se një orë protestë tek Gjykata e Lartë dhe një marshim nga PS-ja, te sheshi ”Skënderbej” dhe në fund tek selia blu, Sali Berisha shpalli tashmë nisjen e protestave kundër institucioneve që sipas tij janë shndërruar në armë të diktaturës. Ai akuzoi kryeministrin Edi Rama se po përpiqet të zhdukë PD-në, teksa premtoi se protestat do të zgjerohen shumë shpejt në çdo skaj të Shqipërisë.
“Sot, në betejën pa kthim kundër diktaturës çelëm një faqe të re. Sot ne nisëm protestën kundër institucioneve të shndërruara në armë të diktaturës. Kjo është protesta e parë në historinë para Gjykatës së Lartë, e cila ka shënuar një tradhti të lartë kundër Kushtetutës, shënon fillimin e betejave tona.
Lexo edhe :
Related Posts
Sot protesta në partinë e krimit shënon fillimin e betejës sonë kundër kësaj partie, e cila e udhëhequr nga Rama është përgjegjëse për dramën e madhe. Rama kërkon të zhdukë PD-në, por ne do të qëndrojmë, protestat tona do të përhapen në të gjithë vendin. Do përqendrohen para institucioneve të krimit, në çdo skaj të vendit për të mbrojtur liritë tona”, tha Berisha.