Sali Berisha i bën thirrje Komisionit Europian, që të ngrejë një ekip për të zbardhur të gjithë bisedat e politikanëve me krimin. Gjatë konferencës së përjavshme me gazetarët, Berisha tregon se ka një kusht, që të publikohen emrat e të gjithë njerëzve që kanë mbajtur telefon të kriptuar për qëllime kriminale. Për ish-kryeministrin publikimi i tyre do të ndihmojë që shqiptarët të njohin të gjithë politikanët që “krimin e shndërrojnë në votë dhe votën në krim”.
“Komisionit Europiajn të dërgojë një ekip që të zbardh bisedat e politikanëve me krimin, të publikohen emrat e të gjithë njerëzve që kanë mbajtur telefon të kriptuar për qëllime kriminale, publikimi i këtyre të dhënave ka një rëndësi, se këtu nuk ka prokuroi, se këtu do filloj bixhozi me të dhënat, kurse publikimi do njoh shqiptarët me anën më të zezë të atyre që krimin e shndërron në votë dhe votën në krim. Kjo do të ishte një ndihmë jashtëzakonisht e madhe”, tha Berisha.
Nga ana tjetër, Sali Berisha tha edhe se pavarësisht vendimit të ndërkombëtareve, shqiptarët do duhet të ngrihen në protesta të fuqishme, për t’i dhënë fund një “regjimi të korruptuar e kriminial”.