Berisha u qëllua me grusht, sot jep dëshminë në polici

Sali Berisha pritet të paraqitet këtë të mërkurë në drejtorinë e Policisë së Tiranës, kjo për të dëshmuar mbi sulmin në fytyrë gjatë protestës së djeshme. Mbrëmë u shoqëruan në polici për të dhënë dëshminë e tyre, dy prej truprojave të Berishës. Në pamjet ku dhunohet ish-kryeministri, truprojat e tij kanë ndërhyrë menjëherë ndaj agresorit 31-vjeçar, Gert Shehu, të cilin e kanë dhunuar ashpër së bashku me disa prej protestuesve të tjerë. 31-vjeçari, pësoi dëmtime të shumta në fytyrë dhe në trup dhe për rrjedhojë u transportua në spitalin e Traumës ku ende po merr mjekimin e nevojshëm.