Sali Berisha është ndalur qark më qark, duke thënë sesa lekë janë blerë votat për zgjedhjet lokale të 14 Majin, ku Partia Demokratike fitoi vetëm 7 bashki të vogla dhe humbi bastionet historike, si Shkodrën dhe Kamzën. Nga selia blu, në konferencën me gazetarët, Sali Berisha tha se çmimi varionte nga 600 euro për një votë deri në 10 mijë euro për një komisioner.
“10 mijë euro për komisioner, në Lezhë në mbrojtjen e policisë së Lezhës bandat shpërndanë para dhe terror gjatë gjithë natës në zona të ndryshme, diku diku janë të filmuara dhe aty duket makina e bandave dhe e policisë që po i ruante. Bandat e kthyera nga Dubai, në Durrës dhe vende të tjera diktuan në mbrojtjen e Policisë vullnetin e qytetarëve.
Eksponentë të Partisë Demokratike u bënë pre e atentateve të organizuara për eliminimin e tyre, bandat pushtuan qendra e votimit në Velipojë, 600 euro vota në Mamurras, në Nikël, vrasës trafikant bllokuan qendrat e votimit, vunë në presion komisionerët, kurse narko policia arrestonte një person në makinë dhe e mashtronte opinion publik se ai po blinte vota, kur ai nuk kishte asnjë qindarkë me vete”, tha Berisha.