Berisha zbulon identitetin e shtetasit I.M

Prej disa ditësh, personi I.M ka tronditur politikën shqiptare. Autoriteti i Dosjeve deklaroi se ky person ka bashkëpunuar me Sigurimit e Shtetit në komunizëm. Socialistët dhe disa media e lidhin atë me ish-Presidentin Ilir Meta. Ndërkaq sot Berisha ka sqaruar se I.M është një tjetër shtetas. “Unë deklarova dy ditë më parë që gjithçka është një trillim i paskrupujt i Edi Ramës. I një njeriu që pa asnjë moral përdor shpifjen dhe trillimin kundër kundërshtarit politik. Nuk ka akt më të shëmtuar, sepse unë i kam ato aktet në dorë. Edi Rama e ka bërë në mënyrën më të trashë këtë kurth. Cilido që lexon email-in e ka të qartë se I.M është Ilir Murati nga Librazhdi dhe Filip Tare është nga Librazhdi dhe nuk ka asnjë lidhje me Ilir Rexhep Metën. Edi Rama ka keqshfrytëzuar në mënyrën më të shpifur qoftë kryetaren e Autoritetit të Dosjeve, qoftë Linda Nikollën. Unë mund t’ju them ju se në dokumentin e drejtuar Linda Nikollës, akuzon direkt Ilir Metën për bashkëpunëtor të Sigurimit të Shtetit,” shprehet Berisha.