Berlini ka fikur dritat që ndriçojnë monumentet kombëtare. Kjo masë drastike është marrë me qëllim për të kursyer energjinë, në një kohë kur vendi përballet me kërcënimin e mungesës së gazit rus.
Rreth 200 ndërtesa dhe monumente, përfshirë bashkinë e Berlinit me tulla të kuqe, Shtëpinë e Operës Shtetërore dhe Pallatin Charlottenburg do të qëndrojnë në errësirë gjatë natës, thanë zyrtarët në kryeqytetin gjerman këtë javë.
“Duke pasur parasysh luftën kundër Ukrainës dhe kërcënimet e politikës energjetike nga Rusia, është e rëndësishme që të jemi sa më të kujdesshëm me energjinë tonë”, tha të mërkurën shefja e qytetit për mjedisin, Bettina Jarasch.