Pak ditë më parë aktori i njohur, Bes Kallaku dhe Xhensila Myrtezaj festuan 2-vjetorin e martesës.
Në këtë ditë të veçantë ata i dedikuan njëri-tjetrit urime speciale në Instagram dhe nuk munguan surprizat, më e bukura ishte ajo e Xhensilës.
Këngëtarja ishte kujdesur që të bënte një surprizë përrallore në oborrin e shtëpisë së tyre dhe ia kishte dalë.
Por nga videot u vu re se Besi nuk ishte shumë entuziast për dhuratën e madhe dhe duket se kjo e ka një shpjegim.
Ditën e sotme i ftuar në emisionin e mëngjesit “Rreze Dielli” Besi tregoi se si e mori vesh që Xhensila kishte përgatitur një surprizë dhe është moment epik.
“Xhensila kishte bërë gjithë atë surprizë aty tek oborri. Kishin ardhur nuk e di se sa vetë që po merreshin me arredimin dhe më tha mua që kishte harruar fustanin dhe duhej ta merrja. I thashë a je në terezi, si të çoj në 9 të darkës për një fustan. E nejse, u nisa rrugës kur më merr një shoku im në telefon: O loku, të kanë hyrë njerëz në shtëpi, i ke tek oborri. Leje o loku tha pastaj se qenkan tu t’bo një surprizë. “Xheni tha mooos, se ishte hera e tretë që tentonte të më bënte një surprizë dhe nuk i ecte. Kur donte të më bënte surprizë për 30 vjetor, nga dritarja e pallatit deri te parkingu i pallatit kishte heq gjithë makinat dhe donte të shkruante me qirinj 30. Unë siç isha shtrirë nga ora 11 gjysmë, çohem dhe nuk shkoj në banjo, por më zuri tështima dhe dal në dritare. Ajo mendonte se do shkoja në banjë dhe kur më pa, tha mooos. Rasti tjetër ishte prapë një shok që nuk ia kishte fare haberin se do më bënin surprizë dhe më merr në tel e më thotë, a sa bukur qenkan tu ta bo o loku. Po këtë herën e fundit se prisja dhe u surprizova sepse unë nuk i lë radhë të më bëjnë surpriza.”, tha Besi.