Skuadra e basketbollit Besëlidhja Eagles Basket vijon të koleksionojë një tjetër fitore në kampionat, atë përballë Vllaznisë, duke mbajtur e sigurt vendin e parë.
Skuadra lezhjane ka arritur edhe fitoren e 16 radhazi nën drejtimin e trajnerit Afrim Bilali që këtë vit ka bërë një skuadër të konsoliduar në të gjitha repartet. Përmes një postimi në rrjete sociale, Presidenti i Besëlidhja Eagles Basket, Ylli Ujka ka falenderuar lojtarët dhe Bashkinë e Lezhës për mbështetjen.
“Me krenari shënojmë 16 fitore radhazi për skuadrën tonë të Besëlidhja Eagles Basket! Faleminderit trajnerit tonë, Afrim Bilali dhe të gjithë lojtarëve për përpjekjen dhe talentin e tyre të jashtëzakonshëm!
Po ashtu, një falenderim i veçantë për Bashkinë Lezhë për mbështetjen dhe përkrahjen e tyre të pakursyer”, shkruan Presidenti Ujka.