Besiana Kadare, vajza e shkrimtarit të madh shqiptar Ismail Kadare është liruar nga detyra si ambasadore e Shqipërisë në OKB.
Presidenti i Shqipërisë, Ilir Meta ka firmosur sot dekretin e lirimit.
Ajo ishte ambasadore e Jashtëzakonshme dhe Fuqiplotë e Republikës së Shqipërisë pranë Organizatës së Kombeve të Bashkuara, në Nju Jork, rezident, dhe ambasador i Jashtëzakonshëm dhe Fuqiplotë i Republikës së Shqipërisë, në Republikën e Kubës, jorezident.
Besiana Kadare është propozuar si ambasadore në UNESCO, kurse Ferit Hoxha që mban aktualisht këtë pozicion është propozuar për ambasador të Shqipërisë në OKB.