Pas vendimit të dhënë nga Gjykata e Apelit për vulën e PD, përfaqësuesi ligjor i grupimit të Enkelejd Alibeajt, Indrit Sefa, ka deklaruar se trupa gjykuese vendosi rikthimin në Gjykatën e Shpallës së Parë të çështjes me një trupë tjetër gjykuese.
Në daljen për mediat, Sefa tha se Apeli ka vendosur të pranojë ankimimin e Enkelejd Alibeajt dhe se ditën e hënë do të bëhet regjistrimi në KQZ.
“Sot gjykata vendosi rikthimin e çështjes në shkallën e parë me një tjetër trup gjykues. Ankimi i PD i përfaqësuar nga Enkelejd Alibej, u pranua, do të gjykohet nga një tjetër trup gjykues. PD vazhdon të drejtohet nga organet legjitime të saj, do regjistrohemi ditën e hënë në KQZ. Gjykata nuk ka asnjë mundësi të marrë vendim si Zhukri. Nuk ka gjyqtar në republikën e vendit të marrë atë vendim. PD ka organet legjitime të saj të cilat do vazhdojnë drejtimin e partisë. Nuk është çështje godinash dhe vulash, por mentaliteti. Legjitimiteti i drejtimit të partisë u certifikua sot. PD ka një seli dhe është ajo zyrtarja. Organet legjitimet të PD-së administrojnë infrastrukturën e PD-së.”