Mbrëmjen e kaluar, këngëtarja e famshme Beyoonce, shkëlqeu në tapetin e kuq të Festivalit të Filmit në Londër, përkrah Jay Z. Ajo mbështeti bashkëshortin, që është edhe producenti i filmit “The Harder They Fall”, që hapi festivalin.
Mirëpo, ajo na ka befasuar të gjithëvë pasi ia ka besuar paraqitjen e saj të mrekullueshme, sërish silistit të njohur shqiptar, Valdrin Sahitit. Një fustan i zi i gjatë ishte përzgjedhja e divës së muzikës, e si detaj që e bënte atë edhe më elegant ishte dekolteja e veçantë tek busti. Fustanin këngëtarja e kombinoi me taka të zeza, syze dielli të errëta dhe një çantë dore me gurë të vegjël argjendi.
Mesa duket, ajo ka mbetur shumë e kënaqur nga punimet e shqiptarit, pasi ka zgjedhur për herë të dytë një fustan nga ai. Ajo zgjodhi një fustan të kuq për paraqitjen në “Pre-Grammy Aëards 2020” dhe stilisti tregoi asokohe se ishte vetë Beyonce me anë të asistentëve të saj që gjeti kontaktet për të veshur krjimet e tij.
Rikujtojmë se, së fundmi, Sahiti, korri një tjetër sukses jashtë kufijve, pasi Kylie Jenner zgjodhi të vishte një fustan të krijuar prej tij, për klipin promovues të linjës së saj të re ndaj kujdesit për bebet ku shfaqet me të bijën, Stormi.
