Grupi i djemve koreano-jugor BTS, u takua me Presidentin Joe Biden në Shtëpinë e Bardhë për të diskutuar krimet e urrejtjes që synojnë aziatikët. Yjet e K-pop-it, kanë bërë thirrje për ndalimin e krimeve që synojnë amerikanët aziatikë.
Takimi erdhi ndërsa muaji i Aziatikëve të Amerikës dhe atyre vendas të Hauait/Ishullit të Paqësorit në Maj po mbyllej pas një rritjeje të mprehtë të krimeve të urrejtjes kundër komunitetit vitin e kaluar.
Videoja e publikuar nga Shtëpia e Bardhë tregoi udhëheqësin e grupit BTS, RM duke falënderuar Biden për veprimet e tij për t’i dhënë fund urrejtjes aziatike.
“Ne duam vetëm të jemi një ndihmë e vogël dhe e vlerësojmë me të vërtetë Shtëpinë e Bardhë dhe përpjekjet e qeverisë për të gjetur zgjidhje“, mësohet të jenë shprehur pjesëtarët e grupit.
Nga ana tjetër kreu i Shtëpisë së Bardhë ka deeklaruar se njerëzit kujdesen shumë për atë që ata thonë, dhe ajo që po bëjnë është e mirë për të gjithë njerëzit. “Nuk është vetëm talenti juaj i madh, është mesazhi që po komunikoni dhe kjo ka rëndësi”, u përgjigj Biden.
Në Qershor 2020, fansat e BTS mblodhën rreth 1 milion Dollarë brenda një dite në fushatën në internet #MatchAMillion për kauzat e drejtësisë sociale në SHBA, në përputhje me donacionin e grupit për Black Lives Matter.