Sezoni i ri i Big Brother i cili do të nisë në dhjetor në ekranin e Top Channel vjen me plot surpriza dhe të papritura.
Veç VIP-ave të cilët kanë qenë pjesë e tre sezoneve të mëparshme, pjesë e këtij edicioni do të jenë edhe njerëz të thjeshtë që duan të ndajnë historinë e tyre. Nëse mendon se historia jote meriton të dëgjohet, mund të jesh edhe ti mes VIP-ave.
Ashtu si në edicionet e mëparëshme “reality show” më i dashur për shqiptarët do t’ju bëjë t’i përjetoni të gjitha emocionet, që nga të qeshurat me skenat gazmore që falin personazhet, deri tek historitë prekëse njerëzore.
Big Brother është spektakli më të jashtëzakonshëm i realizuar ndonjeherë që për orë të tëra ka mbajtur të mbërthyer me miliona shqiptarë kudo në botë.
Programi i rekordeve rikthehet në dhjetor me personazhe të reja dhe është gati t’ju mbajë sërish para ekraneve çdo të martë dhe të shtunë nën drejtimin e moderatorit Ledion Liço. /TCH/