Sezoni i Milanit ka marrë një kthesë të papritur pas humbjes në Superkupën e Italisë.
Kuqezinjtë kanë mposhtur 2-1 Chievon në javën e 27-të të Seria A, duke e dërguar në 10 numrin e takimeve radhazi pa humbje. Lucas Biglia zhbllokoi takimin pas gjysëm ore lojë.
Megjithatë, reagimi i veronezëve nuk mungoi me Hetemaj që vendosi ekuilibrat përpara se skuadrat t’i drejtoheshin dhomave të zhveshjeve. Me rikthimin në fushë, u shfaq edhe ai, goleadori i skuadrës së Gattuso, Krzysztof Piatek. Polaku devijoi drejt portës një top të mbetur në zemrën e Chievos për të shënuar golin me vlerën e tre pikëve.
Ky ishte goli i 8-të i ish-bomberit të Gjenovës me fanellën e Milanit. Ndërkohë me këtë fitore Milani thellon në 4 pikë distancën me Interin e vendit të katërt, me zikaltërit që kanë edhe një takim për të zhvilluar.