Universiteti John Hopkins në SHBA ka njoftuar se numri i të infektuarve në të gjithë botën ka shkuar në 30 milionë.
Ndërkohë që më shumë se 940 mijë viktia janë shënuar nga sëmundja e COVID-19, që nga shpërthimi i pandemisë dhjetë muaj më parë në Kinë.
Vendet më të goditura janë SHBA-ja, India dhe Brazili, por ka një rritje të numrit të të infektuarve në të gjithë Evropën.
Shumë vende tani po përgatiten për një valë të dytë të pandemisë, ndërsa dimri po afrohet.
Në Mbretërinë e Bashkuar, qeveria po konsideron marrjen e masave të mëtejshme në të gjithë Anglinë, duke përfshirë një periudhë të shkurtër izolimi, në përpjekje për të ngadalësuar përhapjen e virusit.
Jashtë Evropës, Izraeli ka vendosur një bllokim të dytë mbarëkombëtar – vendi i parë i zhvilluar që e bën këtë.
Afrika ka regjistruar më shumë se një milion raste të konfirmuara, megjithëse nuk dihet përmasat e vërteta të pandemisë në këtë kontinent. Shkalla e testimit raportohet të jetë e ulët, gjë që mund të shtrembërojë shifrat zyrtare. Rel