Një “tronditje” për politikanët vjen nga biznesmeni nga Elbasani, Gjergj Luca.
Teksa dha kontributin e tij për familjet e prekura nga tërmeti, ai foli për të gjithë përfaqësuesit e politikës.
“Këta politikanë që kanë nga dy-tre shtëpi që shkojnë atje vetëm 10 ditë në vit, pse s’i japin ato për banorët e prekur nga tërmeti meqë u dhemb zemra për shqiptarët. Cili nga ata ka hapur shtëpitë, nuk dua të vazhdoj më se mund të vazhdoj gjithë ditën duke sharë.
Punëtorët e mi kanë dashur të japin rrogën e një muaji, por unë u kam thënë jo. Të japin një ditë pune. Le të marrim një nismë, që 6 muaj këtë tatim fitimi 50% t’u shkojë këtyre familjeve në nevojë për ndërtimin e banesave të prekur nga tërmeti. Zoti u ktheftë mendjen politikanëve, sepse çdo e keqe vjen për një të mirë të madhe”, tha ai.