Ish-banori i “Big Brother Albania Vip 2”, gazetari Bledi Mane në një intervistë televizive zbuloi pak kohë më parë fitimet e banorëve të BBV, duke shuar kureshtjen e të gjithëve. Së fundmi, ka qenë Valbona Mema ajo që ka zbuluar vërtetësinë e shifrave të publikuara. Fitime “të fryra” apo të vërteta? Kjo mund të jetë padyshimpyetja që të gjithë kanë menduar, pasi kanë mësuar shifrat që fitojnë ish-banorët e BBV.
Bledi duke iu referuar statistikave, tha se listën e fitimeve e kryeson Luiz Ejlli, i cili fiton në muaj rreth 100 mijë euro, duke përfshirë kontratat komerciale, imazh i bizneseve të ndryshme, postimet në rrjetet e tij sociale, kontratat me koncertet, natyrisht edhe projektet e tjera, filmat. Efi gjithashtu fiton nga rrjetet sociale deri në 12 mijë euro. Maestro po ashtu fiton në muaj 15-17 mijë euro.
Valbona Mema një tjetër ish-banore e BB Vip 2, teksa ishte e ftuar në një emision, tha se deklarata e Bledi Manes mbi shifrat e zbuluara, me siguri duhet të jenë shifra të referuara.
“Nëse e ka thënë Bledi këtë, është referuar diku dhe pa marrë mendimin e tyre, nuk ka se si e thotë në ajër”. Pa dhënë asnjë koment tjetër, këngëtarja e njohur e skenës tha se është kënaqësi për këdo që i meriton. Pyetjes se kush i merton më shumë, Valbona iu përgjigj me diplomaci, duke thënë se kush ka dhënë shpirtin, e ka merituar.