Bes Kallaku do të sjellë së shpejti një komedi dhe këtë e bën vetë të ditur, ku gjithçka është në dorën e tij, skenari, regjia dhe vetë Besi aktor kryesor.
Dhe pse nuk ka preferuar të japë shumë detaje duke folur për “Mirage” ai ka thënë se fokusi i komedisë do të jetë realiteti në Shqipëri dhe Kosovë.
Megjithatë, tek “ Xing“ me Ermalin, u tregua pak më “dorëlëshuar“ me detajet e rrëfeu se në këtë film do të aktrojnë për të parën herë dy emra mjaft të njohur për publikun shqiptar, por jo në drejtim të kinematografisë: Luana Vjollca dhe Blendi Fevziu. Xhirimet po zhvillohen ndërkohë dhe neve na u shtua shumë kureshtja!
Besi tregoi po ashtu se pjesë e kastit do të jenë aktorë nga Shqipëria, Kosova dhe Italia, dhe se ka dy vite që merret me skenarin e kësaj komedie, qe sipas tij, do te jete vertet shume e kendshme!
