Pensionistët do të përfitojnë shpërblim me vlerë 5000 lekë në muajin shtator. Përveç tij, qeveria pritet të rrisë pensionet sipas nivelit të inflacionit në vend.
Pensionet në muajin shtator do të pësojnë ndryshimin e radhës, që do të llogarititet me rritjen e çmimeve të këtij viti.
Pra, ato do të indeksohen dhe nësë shohim inflacionin, ai rezulton në 7 muajt e parë të vitit në një nivel mesatar 5.2%.
Por, do të jetë qeveria ajo që do të caktojë masën e përgjithshme të rritjes së përfitimit.
Shqipëria numëron rreth 685 mijë njerëz që përfitojnë pensione pleqërie ose pensione të tjera.