Kryetari i KQZ, Ilirjan Celibashi rrëzoi sot ankesën e PD. Kjo e bërë ndaj qeverisë dhe mazhorancës, në lidhje me bonusin e pensionistëve. PD kërkoi që bonusi të ndalohej, pasi sipas saj, ishte një shpërblim elektoral i qeverisë për zgjedhjet e 11 majit.
“Jemi të dizavantazhuar, shpërndahen bonuse me efekte tani, ndalojini”, ishte thirrja e PD-së në KQZ. Mazhoranca e mohoi, duke thënë se vendimi është marrë shumë muaj më parë dhe jo tani për fushatë.
“E miratuam para 4 muajsh”, ishte reagimi i qeverisë nëpërmjet përfaqësuesve të saj. Celibashi ndau të njëjtin mendim, pas analizimit të çështjes. “Nuk ka shkelje ligji, u miratua përpara fashës ndaluese që parashikon ligji”, u shpreh ai.