Në një kohë kur përfliten se janë rikthyer bashkë, një tjetër detaj është vënë re që lidhet me dyshen më të komentuar të momentit Bora Zemani dhe Donald Veshaj. Fansat kanë vënë re disa fotografi që duhet se janë shkrepur nga i njëjti vend në Vlorë. Pak ditë më parë, para se të merrte pjesë në sfilatën e Valdrin Sahitit, aktori i humorit tregoi përmes disa postimeve se ndodhej në qytetin bregdetar.
Megjithëse, nuk tregoi se me kë shoqërohej në bregdet, ajo që u vu re ishte se vëllai i tij binjak, Romeo, nuk ishte me të. Mirëpo, së fundmi, dhe Bora ka ndarë disa fotografi nga deti. Por moderatorja nuk ka bërë asnjë postim tjetër për të treguar se fotot janë shkrepur sot apo me kë është shoqëruar. Kjo ka shtuar dyshimet se fotot mund të jenë shkrepur para disa ditësh kur ishte dhe Donaldi.