Sot qytetarët shqiptarë do t’u drejtohen qendrave të votimit, për të zgjedhur partinë dhe kandidatin e tyre të preferuar, në listat e qarqeve, që dëshirojnë që t’i përfaqësojnë në Kuvendin e 4 viteve të ardhshme.
Zv.kryeministri Erion Braçe ka votuar te Liceu, në 7 pa një minutë, teksa dha dhe arsyet e këtij votimi herët.
“Kam për të shkuar në një zonë elektorale ku kriminelë, si Enkelejd Alibeaj dhe Sajmir Koreshi janë duke kërcënuar qytetarë.
Janë një tufë rrugaçësh dhe kriminelësh që kanë terrorizuar gjatë natës familjen e një gruaje. Ajo është drejtuesja e PS aty, ndaj kanë shkuar dhe e kanë kërcënuar. Shqiptarët të mos u japin shansin kriminelëve dhe vrasësve që të shkojnë në Parlament”, u shpreh ai.