Sylvio Mendes Campos Júnior, nga kjo e hënë do të jetë trajneri i ri ti Kombëtares shqiptare. Në orën 10:30 do të mbahet një konferencë për shtyp, teksa do të flasë edhe vetë 48-vjeçari brazilian.
Sylvinho ka një kontratë 18-mujore dhe pritet të përfitojë afro 1 milion euro së bashku me stafin e tij. Ai ka përzgjedhur si ndihmës të tij argjentinasin Pablo Javier Zabaleta Girod dhe brazilianin Dorival Guidoni Junior. Marrëveshja ka në thelb të saj arritjen e objektivit të vetëm që ka Shqipëria në këto eliminatore, kualifikimi për në finalet e Euro 2024.
48 vjeҫari Silvinjo, i cili vjen me një CV të pasur si lojtar dhe trajner, ka një eksperiencë të pasur si zëvendës trajner menjëherë pas lënies së futbollit dhe trajner më pas. Gjithçka nis në 2011 kur merr pozicionin e zëvendës trajnerit te Cruzeiro, për të kaluar më pas te Sport Recife, Nautico, Corinthias, Inter, zëvendës trajner i Brazilit për tre vite përpara se të merrte drejtimin e Olimpik Lionit në Francë dhe më pas Korinthiasit në kampionatin brazilian.