Britania e Madhe la zyrtarisht Bashkimin Europian pas 47 vitesh anëtarësim dhe më shumë se tre vite pas referendumit që i dha “OK” largimit.
Momenti historik ndodhi në orën 23.00 të së premtes, dhe u shënua si nga përkrahësit dhe protestuesit anti-Brexit.
Në Skoci, vendi që votoi për të qëndruar në BE ky moment u shënua me ndezjen e qirinjve, ndërsa përkrahësit e Brexit festuan në Sheshin e Parlamentit në Londër. Boris Johnson u angazhua se do të bashkojë vendin “për të ecur para”.