Eksponentja e LSI, Briseida Shehaj, e ftuar në emisionin “Të Paekspozuarit”, ka deklaruar se ka marrë kërcënime, pas denoncimeve që ka bërë për aferën e inceneratorëve.
Shehaj tha se e kanë kërcënuar duke i dërguar fotografinë e mbesës së saj. Ajo u është drejtuar autoriteteve për të denoncuar kërcënimin.
Ylli Rakipi: Mos ndoshta ju të LSI, i nisët këto denoncime, për inat të Lefter Kokës që ju tradhtoi?
Briseida Shehaj: Në që bëjmë këto denoncime marrim edhe kosto. Nëse do të merremi përse e bëri Meta dhe Monika për Lefter Kokën, nuk më intereson. Kemi ardhur të zbardhim këtë gjë. Prokuroria kur fakton 3.7 milionë euro, si ka mundësi asnjë nga këta nuk është në burg?
Ylli Rakipi: U tha se ju jeni kërcënuar. Është e vërtetë?
Briseida Shehaj: Po e vërtetë është, kam bërë kallëzim. Këta nga Durrësi që nxorra emrat në emision dhe vendimet e gjykatava.
Ylli Rakipi: Si të kanë kërcënuar?
Briseida Shehaj: Po hiç, kishin qef të merrnin foto të mbesës time.. edhe do na vrisnin. Unë i drejtohem prokurorisë. Nuk jam vetëm unë, por edhe të tjerë që po marrin kërcënime.