Zgjedhjet e përgjithshme në Mbretërinë e Bashkuar do të mbahen më 8 qershor, pasi deputetët e mbështetën thirrjen e kryeministres Theresa May për zgjedhje të menjëhershme.
Dhoma e Komunave mbështeti kryeministren me një diferencë prej 522 votash ndaj 13 që ishin kundër, duke fituar kështu mbi 2/3 e shumicës së nevojshme.
Jeremy Corbyn përshëndeti sondazhin, por akuzoi kryeministren Theresa May se kishte ndryshuar mendjen dhe kishte thyer premtimet mbi një sërë çështjesh. Zgjedhjet e ardhshme të përgjithshme priteshin të kryeshin në vitin 2020, por një ligj në Britani lejon që të kryen edhe më herët nëse votojnë pro 2/3 e deputetëve. May tha se kjo ishte “një dritare mundësie për të mbajtur një sondazh përpëra se negociatat e Brexit të nisin në fillim të qershorit.
“Kam arritur në përfundimin se mënyra e vetme për të garantuar sigurinë dhe stabilitetin për vitet e ardhshme është që të zhvillojmë zgjedhjet e parakohshme”- tha May.
Kryeministrja ka qenë në presion të vazhdueshëm pas kërkesave për referendum dhe rebelimit në rritje për planin e saj të shkollave. Duke folur në konferencën për shtyp May tha se: “Vendi është bashkë, por Westminster jo”.
Vendimi i May për zgjedhje të parakohshme vjen pak javë pasi ajo nisi procesin normal të Brexit duke habitur mjaft politikanë britanikë që sapo ishin kthyer nga pushimet e Pashkëve.