Dyzet për qind e emigrantëve të “La Manche” janë nga Shqipëria paqësore – jo një komb i shkatërruar nga lufta, bën me dije një raporti sekret të inteligjencës ushtarake. Gjithsej 1075 shqiptarë kaluan “Kanalin” me varka të vogla të organizuara nga bandat e kontrabandës së njerëzve gjatë një periudhe gjashtë-javore këtë verë.
Vitin e kaluar gjithsej 757 shqiptarë kaluan “Kanalin” vitin e kaluar, sipas shifrave të qeverisë, shkruan Daily Mail. Bandat shqiptare thuhet se po blejnë varka të mëdha nga fabrikat kineze dhe po i përshtatin ato duke u kërkuar firmave kineze t’i bëjnë ato më të mëdha për të nxënë më shumë emigrantë në bord.
Ekspertët besojnë se kalimet po ushqehen nga mediat sociale, me kontrabandistët që reklamojnë shërbimet e tyre në TikTok dhe paguajnë deri në 5,500 £ për person.
Një oficer ndërlidhës i policisë shqiptare do të vendoset në Dover për të ndihmuar në trajtimin e problemit në rritje, por raportohet se ka mungesë të përkthyesve shqiptarë për të ndihmuar.
288 persona të tjerë kaluan Kanalin Anglez të premten, më 5 gusht, duke e çuar numrin e përgjithshëm të emigrantëve që arritën në Mbretërinë e Bashkuar këtë javë në 1,372. Pesë varka të vogla kaluan gjatë periudhës së fundit 24-orëshe, tregojnë shifrat e qeverisë.
Këtu përfshihet një emigrant i cili u shpëtua dje në mëngjes pasi u përpoq të udhëtonte me kajak. Ai u kap nga oficerët e Forcave Kufitare Britanike rreth orës 9 të mëngjesit, pesë milje nga bregu anglez.
Hulumtimet e reja tregojnë se në shtatë vitet e fundit gati gjysmë miliardë paundë janë shpenzuar nga qeveria duke u përpjekur të parandalojë emigrantët të kalojnë.